ازاي تستخدم التجاهل للتعامل مع تجاهل الشريك

كتبت: رنا الخياط

يقدم احمد امين متخصص في العلاقات الانسانية ازاي تستخدم التجاهل للتعامل مع تجاهل الشريك:

ربما أنت وشريكك تتشاجران ويكون رد فعله عليك هو الصمت العقابي. وأنت مش عارف تتصرف ازاي يعني مش عارف تتصرف ازاي مع الصمت العقابي وفي نفس الوقت مش عايز تنفصل عنه ولكن عايز تعلمه درسا ردا علي تجاهله ليك خاصة بعد ما انت نبهت عليه بعدم تكراره لتجاهلك وهو مصمم يستخدم هذا الاسلوب معاك وعلشان كده هقولك علي بعض الخطوات الضرورية علشان تعرف تتعامل مع تجاهله ليك وتعلمه درس بعدم استمراره في اسلوب تجاهلك

١: أبتدي انت التجاهل ردا علي تجاهله

وده هيخليه يشعر ان فيه خطأ ما. وممكن يكون تجاهلك ليه شيء صعب عليك خاصة انك مش متعود علي استخدام الاسلوب ده معاه لكن تظاهر انك مشغول عنه وابتدي التجاهل ليه علشان كده تجنب المحادثات معاه عن طريق الانتقال إلى غرفة أخرى أو إسكات مكالماته.

وده هيخليه يقعد يفكر عن سبب تجاهلك ليه وده هيساعده علي انه يبتدي يفهم الخطأ.

٢: اختصر كلامك معاه

لان استخدامك للردود الصغيرة والمكونة احيانا من كلمة واحدة هيخليه يفتقدك ويشعر بالاشتياق لكلامك معاه يعني ممكن احيانا ترد علي استفساراته ولكن بكلامات مختصرة وده بيعطيه احساس بأن اهتمامك بقي اقل.

وحاول ان ترد عليه باجابات مباشرة لا تتطلب أي تفسير زي مثلا (نعم) او (لا) وحتي اذا راسلك وسأل عن حالك وصحتك علي السوشيال ميديا فأجب ب لايك أو بخير واسكت.

٣: قم بتأخير ردودك لما يتصل بيك

يعني خذ وقتك في التواصل معه، او ممكن تستني لساعات أو حتى أيام للاتصال به او الرد عليه وبالنسبة لرسايل السوشيال ميديا اقراها لكن لا ترد عليها وطبعا لما يشوف أنك قرأت رسالته وماردتش عليه، سيتساءل لماذا لا تتحدث معه وما إذا كان بيفعل شيء يؤذيك.

وطبعا لو كنت عايز ترد عليه لا ترد إلا إذا كان عنده سؤال وانت عارف ان مافيش حد يعرف يجاوب علي سواله الا أنت خاصة إذا كان السوال له علاقة برعاية الأطفال أو الشؤون المالية بينكم. واستني شوية وقت حوالي ٣ ساعات قبل الضغط على زر إعادة الاتصال علشان يعرف أنك ما زلت غاضبا.

٤: تجاهله على وسائل التواصل الاجتماعي

 يعني امنع كل اتصالاتك وده هيخليه يفهم ويعرف انك جاد. وهيفهم انك مش بس بتتجاهله في الحياه الواقعية ولكن كمان علي السوشيال ميديا زي مثلا انستجرام وفيسبوك وتويتر وسناب شات واحتمال ان ده يكون شيء صعب عليك لكن حاول ألا تعود إلى نمط الإعجاب بمشاركاته وإرسال الميمات المضحكة إليه.

وده هيخليه يفهم انه سيفتقد وجودك وانك فعلا تستحق اهتمامه وفي الفترة دي تقدر تتفاعل مع أصدقاء آخرين على وسائل التواصل الاجتماعي وده هيقلل الضغط النفسي اللي عليك من شعورك بافتقاد التواصل معاه.

٥: أعطه مساحة

يعني ابعد عنه فترة من الوقت وده هيخليه ياخد فرصة للتفكير في المشكلة وفي التجاهل اللي هو بيستخدمه لان في بعض الأحيان تكون أسهل طريقة لتجاهل شخص وتعليمه درسا قيما هي انك تتركه بمفرده لفترة من الوقت علشان يعرف قيمتك.

٦: اظهر نفسك مشغولا عنه

لان إبقاء نفسك مشغولا هيخليه يفتقد وقتكم سوا، وممكن تستفيد من الوقت ده انك تتعلم هواية جديدة او لغة جديدة او مهارة جديدة أو حتي استفيد من الوقت مع اصدقائك ومارس مهام حياتك بشكل طبيعي وهيبتدي هو يشعر بافتقادك عندما تستمر في عيش حياتك من غيره.

هذا سيحفزه على التفكير في سبب تجاهلك له.

٧: استخدم أسلوب الغيرة ولكن بحذر

يعني اظهر له انه عندك الفرصة انك تتعرف بشركاء اخرين وده هيخليه يتمنى ألا يظلمك أبدا في المقام الأول وممكن تخرج مع بعض الاصدقاء وتنشر صورة جماعية على وسائل التواصل الاجتماعي لتظهر لصديقك انك بتتعايش بشكل جيد وممتع ولكن في نفس الوقت خليك حريص علي انك لا تكون مغازلا بشكل مفرط لاي شخص لان المفروض تخلي الشريك يشعر بالغيرة مش انك تعطيه انطباع انك خاين ليه او انك دخلت في علاقة عاطفية جديدة.

٨: أعطي شريكك الفرصة لأخذ زمام المبادرة

يعني اسمح لشريكك انه ياخد الفرصة علشان هو اللي ياخد المبادرة الاولي ويعتذر وده هيخليه يفهم انك لسه بتسمع ليه وكمان بتعطيه الفرصة لاتخاذ الخطوة الأولى.

وده هيأكد علاقتك بيه ويثبت أنه تعلم درسه.

وطبعا احتمال تلاقي صعوبة منه في اتخاذ الخطوة الأولى، علشان كده خليك صبور معاه واذا ارسل ليك رسالة نصية يقولك فيها انه عايز يقابلك خليه ياخد فرصة الكلام معاك مرة تانية وطبعا لازم تاخد فرصتك وتقوله علي كل شيء انت لا ترتاح ليه.

٩: لازم تركز علي اهتمامك بنفسك

لان اهتمامك بنفسك هيخليه يشعر ويفهم انك ممكن تتعايش بدونه فحاول تعمل اي شيء انت بتحبه او تسافر اجازة لتقضية بعض الوقت مع اصحابك وماتنساش طبعا توثيق مغامراتك وتضعها علي السوشيال ميديا حتى يتمكن من رؤية كل الاوقات الجميلة التي تستمتع بها وخليك عارف انه ضروري انك تهتم وتعتني بنفسك خاصة لما تكون محتاج تعلم شريكك درسا.

وعلشان كده انشر صورا رحلاتك على وسائل التواصل الاجتماعي لمغامراتك الفردية. وخليه يعرف انه يمكنك الاستمتاع بنفس المرح بدونه.

١٠: اتكلم مع شريكك عن المواقف اللي بتضايقك عندما تكون مستعدا ومش بالضرورة في نفس اليوم او تاني يوم والمهم انك تتكلم معاه لما تحس نفسك انك مرتاح نفسيا ومتقبل الكلام معاه وخليك صادق وصريح بمشاعرك لانه احتمال مايعرفش بشكل كافي انه كان سبب في ايذائك او مضايقتك الا لما تتكلم معاه.