العلامات الحمراء في العلاقات العاطفية

كتبت رنا الخياط

يقدم أخصائي احمد امين متخصص في العلاقات الانساني، العلامات الحمراء في العلاقات العاطفية، و هي عبارة عن مجموعة من الاشارات اللي لازم تخلي بالك منها وتنتبه ليها. لان احتمال كبير في بداية العلاقة بتظهر الأمور انها عاطفية وجميلة، ولكن مع مرور الوقت يمكن أن تظهر بعض العلامات الحمراء اللي بتعبر عن وجود مشاكل تؤثر على جودة العلاقة واستمراريتها. وبالتالي معرفتك للعلامات دي  يمكن يساعدك في التعرف على المشكلات بشكل اسرع وبالتالي واتخاذ الإجراءات اللازمة للحفاظ على صحتك العاطفية.

وعلشان كده في مقالنا اليوم هنتكلم علي بعض العلامات الحمراء في العلاقات العاطفية.

1. التحكم المفرط

والتحكم المفرط بيظهر لما يبتدي الشريك يظهر محاولات للسيطرة عليك وعلي وقتك وعلي قراراتك الشخصية وعلي علاقتك مع اصدقائك، وده كده علامة حمراء في العلاقة لان التحكم المفرط يعكس نقصًا في الاحترام ويخلق بيئة غير صحية، لانك بتشعر انك دايما تحت ضغط من الشريك لتلبية احتياجاته على حساب استقلاليتك.

2. الاعتداء اللفظي أو الجسدي

وده من ضمن العلامات الحمراء وبيظهر الاعتداء اللفظي، في الإهانات، والسخرية، والتهديدات، وهو علامة على عدم احترام وتقدير الشريك ليك.

اما بالنسبة للاعتداء الجسدي، فهو أكثر خطورة وعلامة حمراء مهم جدا الانتباه ليها لانها بتعبر عن مشكلة عميقة وكبيرة ومحتاجة حل سريع وجذري خاصة ان أي شكل من أشكال العنف في العلاقة هو أمر غير مقبول ويجب التعامل معه باهتمام وجدية.

3. عدم احترام الحدود الشخصية

لازم تبقي عارف ان ليك حدود شخصية داخل العلاقة ويجب علي الشريك انه يحترمها وعلشان كده لما يبدأ الشريك في تجاوز هذه الحدود او تكسيرها، سواء كانت الحدود دي عاطفية أو جسدية، فهذا يعتبر علامة حمراء تعبر عن عدم التقدير والاحترام لان الاحترام المتبادل للحدود هو عنصر أساسي لعلاقة صحية.

4. التمويه والتلاعب

خلي بالك اذا كان شريكك بيحاول يستخدم التلاعب العاطفي معاك زي مثلا إلقاء اللوم عليك باستمرار أو محاولة تغيير تصورك وفهمك للمواقف والاحداث اللي بتمر عليكم، ده بردو علامة حمراء تعبر عن مشكلة في التواصل. فالتلاعب يؤدي الي خلق شعور بالضياع وعدم الأمان في العلاقات.

5. ضعف التواصل الصحي

طبعا اي علاقة بتكون قائمة علي التواصل والنقاش والحوار ويعتبر التواصل هو أساس أي علاقة ناجحة.

وعلشان كده لو لقيت ان التواصل غير فعال أو ان الشريك بيفضل الصمت الدائم وعدم الكلام او التواصل، فهذا علامة حمراء وتعبر عن سهولة زيادة المشاكل مع الشريك وخليك دايما عارف إن عدم القدرة على مناقشة المشاكل بوضوح وصدق بيعبر عن ضعف في العلاقة.

6. التهرب من المسؤولية

لو لقيت ان الشريك اللي معاك بيتهرب من مسؤولياته أو بيبعد عن الالتزامات في العلاقة، ده بيعبر عن عدم الجدية او ان الشريك غير مبالي بالعلاقة وده بردو علامة حمراء في العلاقة  لان الالتزام بينك وبين شريكك حاجة اساسية لحل مشكلاتكم وأمر ضروري للحفاظ على صحة العلاقة.

7. ضعف الدعم العاطفي

لازم تبقي عارف ان اي علاقة عاطفية دايماً بتحتاج إلى دعم متبادل. فاذا لقيت ان شريكك لا يقدم الدعم العاطفي ليك أو بيقلل من أهمية مشاعرك، فهذا علامة حمراء على أن العلاقة غير متوازنة .