“غلطت وخدت جزائي”.. أول ظهور لسوزي الأردنية بعد إخلاء سبيلها

كتبت: ايناس عبدالمجيد

نشرت التيك توكر سوزي الاردنية عبر حسابها الرسمي علي ” التيك توك” مقطع فيديو موضحة سوء الفهم الذي حدث لها وكيف تت إخلاء سبيلها

وقالت : “الحمدلله اللى انا كنت فيه، كنت متغيبة عنكو وكله عارف المشكلة اللى حصلتلى بسبب فيديو “الشارع اللى وراة”، وكنت فى القسم، والحمدلله مكنش فى حد رافع عليا محضر، ولأنه جايلى من الحكومة، اتعاملت معاملة عادية، وطلعت كويسة” .

وأضافت سوزى: ” سوءت للمجتمع وطلعت شتمت ، وانا معترفة بغلطي، وفى الاول والاخر ده كان غصب عني، كنت منفعلة وفى ناس كتير مش حسباها كدة وانا اخدت جزائي”.

أما عن الحريق الذى حدث داخل شقتها أثناء وجودها فى القسم، قالت: ” الشقة بتاعتنا حصل فيها ماس كهربائي، والحمدلله اخواتي واهلى بخير،وانا مكنتش فى الحجز انا كنت فى القسم”.

واختتمت: ” محدش رفع عليا قضية، ولا محامي اترافعلي، كله جي من عند الحكومة ،واخدت إخلاء سبيل ولسة القضية شغالة وانا بتابعها من برة”.