كيف تزيد من قوة اشتياق الشريك ليك

كتبت رنا الخياط 

١: علشان تخلي الشريك يفكر فيك ويشعر بقوة الاشتياق ليك لازم تتوقف انت عن الاتصال بيه او ارسال اي رسائل ليه. يعني توقف عن الاتصال بالشريك او انك ترسل ليه اي رسائل. لانك لو انت لسه مستمر في ارسال الرسائل او الاتصال به فهوا مش هيشعر انه مفتقدك، وفي الفترة اللي انت بتتوقف عن ارسال الرسائل ليه او التواصل معاه، تعايش انت في حياتك بشكل طبيعي بحيث انك تركز في شغلك او دراستك وتمارس هواياتك يعني تمارس حياتك بشكل طبيعي.

 ٢: الطبيعي انك عايز ترد علي رسائل واتصالات الشريك بسرعة لانك متحمس للحديث معاه وبتشتاق ليه لكن ضروري جدا انه في بعض المرات اللي بيتصل عليك او بيرسل رسائل ليك انك تأجل ردودك عليه لمدة تتراوح من ١٠ دقائق الي ٣٠ دقيقة، لان ده هيخلي اشتياقه ليك يزيد اكتر.

 ٣: لازم تقل من المنشورات بتاعتك علي السوشيال ميديا لان منشوراتك علي السوشيال ميديا هتكون وسيله لتواصله المستمر معاك ولن يشعر بفقدانك او الاشتياق ليك.

 ٤: عايزك تربط الشخص نفسيا بيك وممكن تحقق ده بأستخدام نوع من البرفيوم او عطر معين بيك وتستخدمه في كل مرة لما تقابل الشريك ومش ضروري يكون برفيوم غالي لكن في كل مرة لما يشوفك هيربط وجودك بريحة البرفيوم ومع استمرار استخدامك للبرفيوم ده تلقائيا كده هيشعر انه بيشتاق للريحة دي وهيخليه يشتاق لوجودك.

 ٥: احتفظ لنفسك بتفاصيل حياتك الخاصة ومش بالضرورة تحكي للشريك كامل تفاصيل حياتك اليومية بحيث تترك له فرصة انه يفكر فيك اكتر.

 ٦: حاول تترك متعلقات صغيرة منك معاه في سيارته مثلا قلم او نوتة صغيرة او فرشة شعر صغيرة لان ده هيخليه يفكر فيك ويشعر انه بيفتقدك.

 ٧: في كل مرة تخرج مع الشريك لازم تحط في بالك حدود زمنية للخروج معاه ويفضل الا يزيد وقت الخروج عن حدود الساعتين لان ده هيخليه يتعطش دايما للمزيد من الوقت والخروج معاك ويشعر دايما بالاشتياق ليك.

 ٨: لا يمكن للشريك أن يفتقدك او يشعر بالاشتياق ليك اذا كنت متواجد معاه بشكل دائم ومستمر فلازم تخلق مساحة شخصية بينكم انتم الاتنين، يعني حاول انك تعطيه مساحة شخصية للخروج مع اصحابه ومش بالضرورة انه يقضي معاك معظم وقته وكل اجازاته الاسبوعية مثلا، وهو من المحتمل أن في البداية يحب فكرة انه بيقضي الوقت لوحده، ولكن مع إستمرارك في القيام بذلك بانتظام، فسيبدأ في الشعور بالاشتياق ليك.وخليك دايما عارف ان الشريك مش هيشعر بالاشتياق ليك طول مانت متواجد معاه باستمرار وبشكل دائم.

 ٩: انت كمان لازم تاخد مساحة شخصية تخرج فيها مع اصدقائك بدلا منك انك تتواجد او تخرج وتقابل الشريك طول الوقت، واحكي للشريك عن سعادتك لما قابلت اصدقائك، والنتيجة انك هتلاقي الشريك سعيد علشانك لكن في نفس الوقت هيشعر بالغيرة شوية لانك لقيت احساس السعادة بدونه، وده يخليه يقرب منك ويشتاق ليك بشكل اكبر.