كتبت مروة الكفراوى
نشر النجم محمد إمام صور جديدة عبر موقع تبادل الصور والفيديوهات إنستجرام برفقة المخرج أحمد شفيق من كواليس مسلسلهما الرمضانى “كوبرا”.
وباطلالات متألقة لفت “إمام” أنظار متابعيه ، كما أعرب عن سعادته بالنجاح الكبير وقدم الشكر للمخرج وعلق قائلا “المخرج الكبير احمد شفيق
مشوار طويل من اول قاعدة لأخر حلقة .. فكر و قلق و تعب و مشاكل و ضحك .. و كنا مع بعض لحظه بلحظه و بنصبر بعض .. و جه الوقت اني اتكلم عليه .. تقريباً اكتر مخرج ارتحت في الشغل معاه .. اشتغلت معاه زمان مسلسل خطوط حمرا اللي فرق معايا في مشواري .. و دلوقتي كوبرا اللي نجاحه فوق الخيال .. أستاذ احمد .. انا اتشرفت و استمتعت بالرحله الجميلة دي معاك .. شكراً على اخلاصك و مجهودك و اخلاقك .. شكراً على كل حاجة .. النجاح ده بتاعك أنت”.
مسلسل «كوبرا» بطولة محمد إمام، مجدي كامل، محمد ثروت، أحمد فتحي، محمود عبدالمغني، محمود البزاوي، كزبرة. أحمد عبدالحميد، أيمن عزب، صفاء الطوخي، دنيا ماهر، ألحان المهدي، منة فضالي، معتز هشام، علاء مرسي، ،هشام إسماعيل، محسن منصور، وعدد من ضيوف الشرف وتأليف أحمد محمود أبوزيد ، إخراج أحمد شفيق.
