كتبت- أية عامر
وجهت نجوى إبراهيم “ماما نجوي” الإعلامية ، عتاب للفنان رامز جلال بسبب كلمات تتر برنامجه رامز جاب من الآخر، والذي عرض في موسم رمضان 2024، وحقق نجاحًا كبيرًا.
وقالت نجوى إبراهيم، في برنامجها بيت العز، المذاع عبر محطة نجوم FM: أنا بحب أنزل أجيب الحاجات بتاعة البيت، ومن كام يوم نزلت أجيب حاجات ولاقيت بنات ماشين مع والدتهم بيقولوا يا لهوي يا لهوي، ليه يا رامز عملت كده في العيال؟ مش حلو أن الولاد يقولوا كده، رمضان اللي جاي هتعلمنا إزاي نلطم؟ ياريت نخلي بالنا من الكلام.
وتابعت نجوى إبراهيم: كمان ده غير المسلسلات بقي بيتقال كلام ملغم وبيتحفظ، إحنا نخلي بالنا ونحاول أننا نتفرج على حاجات حلوة، مفيش مانع نتفرج على حاجات عنف شوية ولكن مش للدرجة اللي إحنا شُفناها.
وكان قد عرض برنامج “رامز جاب من الآخر” للنجم رامز جلال في رمضان 2024، وحقق نجاحا كبيرا حيث حصد نسبة مشاهدات عالية في جميع أنحاء الوطن العربي، والبرنامج ينتمي لنوعية برامج المقالب مع النجوم والمشاهير.
